კომპანია ”ჯეოოლაივი” ზეთისხილის გადამამუშავებელი ქარხნის მშენებლობას მომავალი წლისთვის გეგმავს. როგორც კომპანიაში აცხადებენ, ქარხანა საკმაოდ დიდი წარმადობის იქნება; კერძოდ, დღე-ღამეში, დაახალოებით, 20 ტონის მიღებას შეძლებს და 400 ათას დოლარამდე დაჯდება. პირველ ეტაპზე ”ჯეოოლაივი” საკუთარი პლანტაციებიდან მიღებული ნედლეულით მომარაგდება. სრულ მსხმოიარობაში მომავალი წლისთვის 8 ჰექტარზე გაშენებული ბაღი შევა, რომლის კულტივაცია ოთხი წლის წინ დაიწყო. კომპანია, ამ დროისთვის, კახეთში 55 ჰექტარ პლანტაციას ფლობს, რომლის ფართობსაც ყოველწლიურად ზრდის.
